10 മേയ് 2016

ക്യൂ

റോഡരികില്‍ ചിതറി നിര്‍ത്തിയ വണ്ടികളില്‍ നിന്ന് ബിവറേജ് ഷോപ്പിലെ വളഞ്ഞു പുളഞ്ഞ ക്യൂവിലേക്ക് വഴുതുന്നവര്‍, കുപ്പി വാങ്ങി പോകുന്നവരുടെ സന്തോഷത്തിലും ധൃതിയിലും കൗതുകത്തോടെ തിരയുകയാണ്‌, തനിക്ക് കിട്ടേണ്ടത്. അതുള്ളത്, കെട്ടിന്റെ ആരോഹണവും അവരോഹണവും കഴിഞ്ഞ് സ്വന്തം ജോലിയിലേക്ക് വഴുതുന്നവരുടെ ആലസ്യമുള്ള നിമിഷങ്ങളിലല്ലേ?

ഏറെ ചര്‍ച്ച ചെയ്യപ്പെട്ട സിനിമയുടെ ട്രെയിലര്‍ ഓര്‍ത്തോര്‍ത്ത്, തീയേറ്ററില്‍ ക്യൂ നില്‍ക്കുന്നവര്‍, ടിക്കറ്റ് കിട്ടിയവരുടെ ആര്‍പ്പുവിളകളില്‍  കൗതുകത്തോടെ തിരയുകയാണ്‌, തനിക്ക് കിട്ടേണ്ടത്. അതുള്ളത്, സിനിമ കഴിഞ്ഞ് പതിഞ്ഞ സ്വരത്തില്‍ സംസാരിച്ച് കൊണ്ട് ധൃതിയില്ലാതെ ഒഴുകുന്ന  പുരുഷാരത്തിന്റെ മുഖങ്ങളിലല്ലേ? അവര്‍ വീട്ടിലെത്തി, "സിനിമ അവസാനിച്ച് ജീവിതം തുടങ്ങി" എന്ന ഉറക്കം കഴിഞ്ഞ് എഴുന്നേല്‍ക്കുന്ന നിമിഷങ്ങളിലല്ലേ?

1 അഭിപ്രായം: