എന്റെ സുഹൃത്തിന്റെ വീട്ടില്‍

എന്റെ സുഹൃത്തിന്റെ വീട്ടില്‍...
പശു ഉണ്ട്‌, തൊഴുത്തുണ്ട്‌,  നായയുണ്ട്‌, കോഴിയുണ്ട്‌
നിറഞ്ഞു നില്‍ക്കുന്ന പച്ചപ്പ് ഉണ്ട്‌...
പുതുമയുടെ കടന്നു കയറ്റമുണ്ട്‌,
പഴമയുടെ ധാരാളിത്തവുമുണ്ട്‌..

പൊടി പിടിച്ച ഒരു തൂക്കുവിളക്കുണ്ട്‌...
മരത്തിന്റെ ഗന്ധമുള്ള കോണിയുണ്ട്‌...
കോണിയില്‍ ഇരുട്ടിന്റെ സുഖകരമായ നിഗൂഢതയുണ്ട്‌...

പിന്നെ..  ഞാന്‍ കിടന്ന മുറിയില്‍
കാറ്റിനു പഴമയുടെ ലഹരിയുണ്ട്‌
ശ്വാസത്തിനു വിശ്രമത്തിന്റെ ലാഘവം ഉണ്ട്‌..

കിളിവാതിലില്‍ പറഞ്ഞു തീര്‍ന്ന
നൂറു ബോള്‍പേനകളുടെ ശേഖരം ഉണ്ട്‌..

കട്ടില്‍ വിട്ടു തന്ന എന്റെ സുഹൃത്തുണ്ട്‌...
വാക്കുകള്‍ കാതോര്‍ത്തു ഞാനും ഉണ്ട്‌...